Nga vitet '80 e deri më sot, stili ynë i jetesës ka ndryshuar rrënjësisht, dhe gjithashtu shumë më shpejt se në të gjitha epokat e tjera të së kaluarës.

Shpesh kalojmë shumë orë para kompjuterit, ose në çdo rast ulur, dhe ky është një zakon vërtet i dëmshëm për trupin tonë.

Një mënyrë jetese sedentare, ose moskryerja e aktivitetit fizik të mjaftueshëm, na bën të jemi më të rrezikuar nga sëmundjet kardiovaskulare (infarkti, goditjet në tru, etj.) por edhe nga obeziteti.

E gjithë kjo mund të shmanget duke shtuar një dozë të mirë aktiviteti fizik ose disa mënyra të thjeshta për ti bërë pjesë të rutinës tuaj.

Ecni me biçikletë ose në këmbë për në punë- Nëse është e mundur, këshilla është të ecni në këmbë ose të shkoni me biçikletë për në punë. Nëse kjo nuk është e mundur, përpiquni të dilni pak më herët dhe pasi të parkoni makinën, bëni një shëtitje të shkurtër rreth ndërtesës. Mjaftojnë 15 minuta ecje.

Ushtrohuni gjatë pushimit të drekës- Nuk keni nevojë të shkoni domosdoshmërish në palestër, edhe një shëtitje e gjatë është mirë. Një studim i Kolegjit Amerikan të Mjekësisë Sportive zbuloi se aktiviteti fizik nga 30 deri në 60 minuta gjatë drekës mund të rrisë produktivitetin e punës me të paktën 15%. Përveç kësaj, ushtrimet gjithashtu përmirësojnë sistemin imunitar.

Ushtrime për krahët- Mund të bëni edhe një ushtrim për krahët, shumë i thjeshtë por mjaft efektiv. Vendosini pëllëmbët fort në tavolinë. Nëse është e mundur, ato duhet të jenë në lartësinë e shpatullave. Kur ato janë sa më horizontale, pa e ekzagjeruar, shtypni pëllëmbët fort pas tavolinës, duke i ngurtësuar krahët me forcë. Mbajeni këtë pozicion për disa sekonda dhe më pas filloni përsëri.

Ushtrime për këmbët- Ju mund të bëni ushtrime për këmbët. Mbështetuni në karrige, drejtoni këmbët dhe ngrijini nga dyshemeja. Pastaj filloni t'i lëvizni lart e poshtë për një minutë. Më pas pushoni për një minutë dhe filloni përsëri. Kjo do t'ju ndihmojë të dy këmbët dhe barkun tuaj, duke përmirësuar gjithashtu dhimbjen e shpinës.

Koha e trajnimit është e rëndësishme- Sipas një studimi të publikuar në The Lancet, 60 minuta çdo ditë janë të nevojshme për të fshirë dëmtimin që vjen nga një jetë sedentare.

/rtsh.al/