Deputetja e Britanisë së Madhe, Alicia Kearns, i ka reaguar presidentit të Serbisë Aleksandar Vuçiq, rreth deklarimeve të bëra për BBC në intervistën për Hard Talk.

Deputetja britanike Kearns tha se mohimi është një sulm i qëllimshëm dhe i kalkuluar ndaj të mbijetuarve.

“Mohimi është një sulm i qëllimshëm dhe i llogaritur ndaj të mbijetuarve. Është një armë që kërkon të lëndojë njerëzit dhe institucionet që kanë dalë nga hiri i luftës. Mohimi është vazhdimësi e vetë krimeve – ajo që fillon me dhunë dhe vrasje vazhdon përmes falsifikimit të historisë”, ka shkruar Kearns në X.

Ndërsa, presidenti Vuçiq, në intervistë derisa u pyet rreth zhvillimeve gjatë viteve të 90-ta, ai deklaroi se s’pajtohet për atë se kush ka qenë fajtor dhe përgjegjës për të gjitha gjërat e këqija që kanë ndodhur.

“Nuk pajtohem se kush ishte fajtor dhe kush ishte përgjegjës”, ishte shprehur Vuçiq.

Denial is a deliberate and calculated attack on survivors. It is a weapon that seeks to hurt the people and institutions that have grown out of the ashes of war.

Denial is a continuation of the crimes themselves – what begins with violence and killing is continued through the… https://t.co/8XMQtNKmY5

— Alicia Kearns MP (@aliciakearns) November 26, 2024