Me katër vjet burgim është dënuar Arsim Limani, i cili akuzohet për vrasje të rëndë në tentativë ndaj gazetarit të RTK-së, Alban Selimi. Ky vendim është marrë sot në seancë gjyqësore, ku trupi gjykues tha se të dënuarit i llogaritet edhe koha e paraburgimit.

Pala e dëmtuar pas shpalljes së vendimit janë ndarë të kënaqur me lartësinë e dënimit.

Kryetarja e trupit gjykues, gjykatësja Medie Bytyçi njoftoi se Arsim Limani dënohet me katër vjet burgim.

Po ashtu, theksoi se i njëjti obligohet të paguajë edhe shpenzimet e procedurës penale.

Avokati mbrojtës i gazetarit Selimi, Kujtim Kërveshi tha se si palë e dëmtuar janë të kënaqur me dënimin.

Ai tha se ky dënim do të shërbejë si kulturë për të gjithë ata që sulmojnë fjalën e lirë.

Edhe i dëmtuari, Alban Selimi tha se është i kënaqur me dënimin por se ende nuk e din motivin e personit se pse e ka kryer veprën penale.

Selimi përmendi edhe humbjen e një CD-je gjatë procesi gjyqësor. Ai tha se pret që të dihet arsyeja se pse ka humbur ajo CD.

Sipas dosjes së Prokurorisë i dënuari Arsim Limani ka tentuar të privojë nga jeta Alban Selimin përmes ndezjes së flakës në garazhin e shtëpisë së tij.

Lajmi i plotë në sistemin me parapagim...