Mohamed Salah dhe Andy Robertson mbetën të shtangur nga fiziku i kapitenit të Liverpoolit, Jordan Henderson, gjatë rikthimit të lojtarëve në klub për përgatitjet para-sezonale.

Skuadra e Jurgen Klopp ishte në humor të mirë pasi skuadra u mblodh përsëri pas pushimeve të tyre verore, për të filluar përgatitjet për sezonin 2023/24, raporton KosovaPress.

Dhe ishte puna e bërë pas sezonit nga Henderson, që tërhoqi sytë e Robertson dhe Salah, ku ky i fundit njihet për muskujt e barkut të tij.

Në një video të postuar nga klubi, Salah dëgjohet duke thënë i emocionuar: “A mund ta shohësh këtë? Zoti im”, duke iu drejtuar Hendersonit i cili ishte zhveshur për kontrollet fizike në qendrën Kirkby.

“Uau, çfarë trupi”, tha Robertson për kapitenin e klubit, i cili duket i emocionuar por dhe i zënë ngushtë në të njëjtën kohë.

Në ditën e parë të para-sezonit u prezantuan edhe transferimet e reja të klubit, Alexis Mac Allister dhe Dominik Szoboszlai, të cilët takuan shokët e tyre të rinj të skuadrës për herë të parë.