Dy persona janë arrestuar mbrëmë në Graçanicë nën dyshimin për posedim dhe shpërndarje të paautorizuar të narkotikëve.

Sipas Policisë së Kosovës, njësiti i antidrogës (DHTN) ka ndaluar një veturë me targa vendore, në të cilën ndodheshin dy të dyshuar meshkuj kosovarë.

Gjatë ndaljes së automjetit, pasagjeri dyshohet se ka hedhur jashtë një qese me pluhur të bardhë, për të cilin dyshohet se është kokainë, me peshë prej 81.8 gramësh. Ndërkaq, gjatë kontrollit ndaj vozitësit është gjetur edhe 0.2 gram substancë e dyshuar narkotike e llojit kokainë.

Pas arrestimit të të dyshuarve, në konsultim me prokurorin janë kryer bastisje në tri lokacione, ku është gjetur edhe 0.2 gram marihuanë.

Policia ka konfiskuar substancat e dyshuara narkotike, një telefon mobil dhe një pajisje elektronike DV.

Me vendim të prokurorit, pas intervistimit, të dyshuarit janë dërguar në mbajtje.

/Kosovapress/