Përtej rivalitetit në fushë, Prishtina po tregon sonte fytyrën e saj më të bukur të mikpritjes.

Një kafene në kryeqytet ka vendosur të nderojë tifozët turq me një gjest që ka prekur zemrat e të gjithëve: kafe dhe çaj falas për çdo mbështetës të Turqisë.

Në pankartën e vendosur në hyrje të lokalit, shkruhet në anglisht dhe turqisht një mesazh fuqishëm:

"Sot rivalë, por gjithmonë miq! Kafe dhe çaj falas për të gjithë fansat turq. Ju keni paguar në vitin 1999 – sot nuk na detyroheni asgjë!"

Ky veprim simbolik është një shenjë mirënjohjeje për mbështetjen që Turqia i dha popullit të Kosovës gjatë kohës së luftës. Ndërsa stadiumi "Fadil Vokrri" pret fillimin e ndeshjes historike, rrugët e Prishtinës po dëshmojnë se futbolli është më shumë se një lojë – është një urë lidhëse mes miqsh të vjetër.

KosovaPress