Sot, diplomoi gjenerata 2023 e kadetëve të Qendrës për Studime Universitare, duke i shtuar Forcës së Sigurisë së Kosovës edhe 15 oficerë të rinj.  Pas përfundimit të ceremonisë, kadetët e rinj të FSK-së thanë se janë krenarë dhe të lumtur që veshën uniformën e shtetit.

Ata për KosovaPress u shprehën të vendosur që do t’i shërbejnë shtetit në të gjitha format me nder dhe devotshmëri. Ndërkohë, familjarët e thanë se u ndien të emocionuar, por edhe krenarë që bijtë e tyre do t’i shërbejnë Kosovës.

I diplomuari Altin Begaj tha se vendimi që t’i bashkohet FSK-së ka qenë vendimi i tij më i mirë në jetë.

Ai tha se  diplomimi në akademinë ushtarake të Kosovës ka qenë gjithmonë qëllim parësor i tij dhe se sot është shumë i lumtur.

Ndërsa, Çlirim Gërguri tha se ndihet krenar që do t’i shërbejë atdheut, derisa tha se ëndrra iu bë realitet.

Ndërkaq, e diplomuara Ermonda  Mehaj u shpreh për KosovaPress se ndihet e nderuar që vesh uniformën e FSK-së. Ajo tha se ka synim që vendit t’i shërbejë në formën më të mirë.

Ndërkohë, familjarët e kadetëve të rinj theksuan se të rinjtë i kanë përkrahur në zgjedhjen e profesionit të tyre dhe sot ndihen shumë krenarë që ata kanë realizuar ëndrrat e tyre.

Njëra nga familjaret e kadetëve të rinjë, Lumnije Kryeziu tha ndihet me krenare me djalin e saj, i cili e arriti qëllimin e tij.

Edhe Rexhep Gërguri, gjyshi i njërit nga kadetët e FSK-së u shpreh krenar për nipin e tij që sot diplomoi.

Ndërkaq, Arbias Begaj tha se ndihet krenar me vëllain e tij. Ai u shpreh për KosovaPress se do ta mbështesin gjithmonë të vëllain.

Lajmi i plotë është në sistemin me parapagim.

Ndryshe, 15 kadetë sot iu shtuan Forcës së Sigurisë së Kosovës. Ata diplomuan nga Qendra e Studimeve Universitare, kur për katër vite radhazi janë përgatitur për t’i shërbyer vendit./A.Drenica

https://kosovapress.com/admin/kurti-nuk-e-forcojme-ushtrine-per-te-sulmuar-te-tjeret-por-per-te-mbrojtur-vetveten/