“Është një nga ditët më të këqija të jetës sime... sa shumë i jam frikësuar gjithmonë këtij lëndimi, kështu që mbase jeta është treguar paksa mizore me mua kohët e fundit”, u shpreh Rodrygo në letrën e tij publike pas konfirmimit të këputjes së ligamentit ACL.

Sulmuesi i Real Madridit shtoi me modesti: “Nuk e di nëse e meritoj këtë tani, por për çfarë mund të ankohem vërtet? Sa shumë gjëra të mrekullueshme kam jetuar tashmë... gjëra që gjithashtu nuk i meritoja”.

Megjithatë, braziliani premtoi rikthim: “Kjo është një periudhë shumë e vështirë, por premtoj se nuk do të ndalem këtu, me siguri. Besoj se kam ende shumë gjëra të pabesueshme për të jetuar... është vetëm një pauzë e shkurtër. Zoti vazhdon të jetë në kontroll të çdo gjëje”.