Gjermani Rudolph në PDK, diskutohet ruajtja e stabilitetit dhe formimi i shpejtë i institucioneve
Drejtat Autoriale
Lexohet për: 1 min.
Dëgjoje me zë...
Gjermani Rudolph në PDK, diskutohet ruajtja e stabilitetit dhe formimi i shpejtë i institucioneve
Nevoja për funksionalizimin sa më të shpejtë të institucioneve të reja dhe ruajtja e stabilitetit politik në vend ishin temat kryesore të takimit ndërmjet kryetarit të Partisë Demokratike të Kosovës, Bedri Hamza, dhe ambasadorit të Gjermanisë në Kosovë, Rainer Rudolph.
Sipas një njoftimi të PDK-së, bashkëbiseduesit diskutuan për zhvillimet politike pas zgjedhjeve të 7 qershorit dhe rëndësinë e vazhdimit të proceseve demokratike në vend.
Aty thuhet se gjatë takimit, Hamza rikonfirmoi përkushtimin e partisë që e udhëheq për krijimin sa më të shpejtë të institucioneve qeverisëse dhe për të kontribuar në forcimin e demokracisë, si dhe në avancimin e proceseve që janë në interes të qytetarëve dhe të Republikës së Kosovës.
Ai, gjithashtu e falënderoi ambasadorin Rudolph për mbështetjen e vazhdueshme që Gjermania i ka dhënë Kosovës ndër vite, duke vlerësuar “partneritetin e ngushtë dhe marrëdhëniet e shkëlqyera ndërmjet dy vendeve”. /KosovaPress/
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
