Ja nga sa vota i humbën partitë kryesore politike sipas rezultateve të deritashme preliminare
Lajme
Lexohet për: 2 min.
Dëgjoje me zë...
Ja nga sa vota i humbën partitë kryesore politike sipas rezultateve të deritashme preliminare
07/06/2026 - 23:25
Linku u kopjua
Lëvizja Vetëvendosje ka humbur afro 200 mijë vota, në raport me zgjedhjet e dhjetorit të vitit të kaluar.
Kjo të paktën, sipas rezultateve paraprake, ku del se ky subjekt që qeverisi me vendin që nga 2019-ta, ka marrë diku afro 290 mijë vota, në raport me mbi 487 mijë sa i kishte në zgjedhjet e 7 muajve më parë.
Por, kjo shifër nuk përfshinë edhe votat e diasporës dhe ato me kusht. Sipas rezultateve preliminare, VV ka marrë më pak 44% të votave, që është të paktën 7% më pak se në dhjetor 2025.
E, në raport me zgjedhjet e kaluara, rreth 50 mijë vota ka humbur Partia Demokratike e Kosovës. Nga 192,434 apo 20.19 për qind sa mori ky subjekt politik në zgjedhjet e 28 dhjetorit, sipas rezultateve të deritashme preliminare të KQZ-së, ka marrë 145,462 vota.
Ndërkaq Lidhja Demokratike e Kosovës ka shënuar një rënie prej 4 mijë e 741 vota. Më 2025 kjo e fundit mori 126 mijë e 163 vota, ndërsa nga rezultatet e deritanishme preliminare i figurojnë 121 mijë e 422 vota.
Ndonëse në përqindje ka shënuar rritje, edhe Aleanca ka humbur afro 3 mijë vota. Në zgjedhjet e dhjetorit të vitit të kaluar (2025), Aleanca mori 52 mijë e 423 vota ndërsa në zgjedhjet e 7 qershorit, sipas rezultatit preliminar ka marrë mbi 49 mijë e 500 vota.
