Italia sekuestron jahte e vila luksoze ruse në vlerë 143 milionë euro
Italia ka sekuestruar jahte dhe vila luksoze nga oligarkët rusë në vlerë 143 milionë euro.
Pasuritë u sekuestruan duke nisur nga e premtja në disa nga vendet e saj më piktoreske, duke përfshirë Sardenjën, bregdetin e Ligurisë dhe liqenin Komo.
"Ne duhet të jemi në gjendje të ndalojmë sulmin e Putin-it, duke e sjellë atë në tryezë dhe ai nuk do të shkojë me bukuri," tha ministri i Jashtëm i Italisë, Luigi Di Maio, kur njoftoi planet e Italisë për të filluar sekuestrimin e pronave që u përkasin oligarkëve të afërt me presidentin rus Vladimir Putin.
Policia financiare e Italisë ka sekuestruar superjahtin Lena, i cili i përket Gennady Timchenko, një oligark i afërt me Putin, në portin e San Remos, si dhe 215ft Lady M në pronësi të Alexei Mordashov në Imperia aty pranë, dhe vilat në Toskanë dhe Komo.
Vila e magnatit të biznesit ruso-uzbek Alisher Usmanov u sekuestrua gjithashtu përgjatë Bregut Emerald në Sardenjën veriore, transmeton CNN.
