Kandidati për deputet nga radhët e Aleancës për Ardhmërinë e Kosovës, Ahmet Isufi tha se Drenasi meriton qasje të drejtë e praktike.
Ai tha se ky rajon dha shumë për vendin andaj, sipas tij meriton dorën e qeverisë e cila nuk bën diskriminim.
Ai shkroi në Facebook se Koalicioni për Kosovën Fituese, në krye me Ramush Haradinajn, i vazhdon punët e mbetura peng dhe e bën ndryshimin e vërtetë “sepse i njeh shumë mirë shqetësimet e nevojat e kësaj treve e cila mbeti e patrajtuar nga qeveria në ikje”.
“Ky rajon, që dha shumë për vendin, meriton qasje të drejtë e praktike, meriton dorën e qeverisë e cila nuk bën diskriminim, por përmes projekteve konkrete ndryshon jetën e qytetarëve. Për këtë arsye, bashkimi me listën që përmban vlerat e lirisë, profesionistët e përzgjedhur dhe njerëzit që dinë ta zhvillojnë shtetin me programin adekuat të implementueshëm është zgjidhja për Kosovën Fituese”, tha Isufi.
