Përfundimi i fazës së grupeve në Kupën e Botës 2026 ka dhuruar një nga skenat më dramatike dhe të çmendura të historisë së futbollit, duke eliminuar në mënyrë mizore Iranin.

Gjithçka dukej e sigurt për iranianët kur në minutën e 95-të, Riyad Mahrez shënoi një gol në kohën shtesë për Algjerinë, rezultat ky që në ato momente e dërgonte Iranin direkt në fazën e 1/16-ave. Por, kur Algjeria po festonte atë që besonte se ishte goli i kualifikimit, drama mori një kthesë epike vetëm një minutë më pas.

Në minutën e 96-të, sulmuesi austriak Sasa Kalajdzic realizoi një gol me kokë që do të mbetet gjatë në memorien e futbollit, duke barazuar shifrat në 3-3 dhe duke përmbysur fatin e të dyja kombëtareve brenda 60 sekondave.

Kjo përmbysje e rrufeshme la pa tekst kombëtaren e Iranit, e cila përjetoi një thyerje zemre për të dytën ditë radhazi, pasi vetëm një ditë më parë VAR-i u kishte anuluar një gol fitoreje në sekondat e fundit ndaj Egjiptit.

Përderisa lojtarët e Austrisë dhe Algjerisë festonin së bashku kalimin tutje falë barazimit 3-3, iranianët u detyruan të bënin gati valixhet për kthim në shtëpi në mënyrën më të dhimbshme të mundshme.

KosovaPress