Sezoni i Interitpo karakterizohet nga luhatje në rezultate, por disa prej futbollistëve të tyre kanë hyrë fuqishëm në radarin e klubeve të mëdha evropiane. Dy emra që po përmenden më së shumti janë Francesco Pio Esposito dhe Alessandro Bastoni.

Sulmuesi i ri ka lënë mbresa të mëdha në sezonin e tij të parë me zikaltërit, duke tërhequr interesim serioz nga Arsenali. Raportohet se trajneri Mikel Arteta, pas përballjes në Ligën e Kampionëve më 20 janar, i ka kërkuar drejtorit sportiv Andrea Berta që të kontaktojë Interin për mundësinë e transferimit. Megjithatë, drejtori sportiv i Interit, Piero Ausilio, ka qenë i prerë në përgjigje: Esposito nuk është në shitje, pavarësisht ofertave që mund të vijnë, pasi konsiderohet pjesë kyçe e së ardhmes së klubit dhe ka edhe katër vite kontratë.

Ndërkohë, një tjetër shqetësim po shfaqet për Nerazzurrët. FC Barcelona ka rikthyer interesimin për Alessandro Bastonin. Mbrojtësi italian, i cili së fundmi ishte në qendër të vëmendjes për një incident që çoi në përjashtimin e Pierre Kalulu, ka qenë prej kohësh objektiv i klubeve të Premier League, por tani duket se katalanasit janë të vendosur të bëjnë hapa konkretë për ta transferuar. Interi, pasi i rezistoi një sulmi nga Anglia për Espositon, mund të përballet me një tjetër betejë të vështirë në merkato.

KosovaPress