Indonezia është në bisedime me Australinë për një ofertë të mundshme për ta organizuar Kupën e Botës 2034, së bashku me Malajzinë dhe Singaporin, dhe këtë gjë e ka konfirmuar presidenti i Federatës së Futbollit të Indonezisë (PSSI).

Organi qeverisës i futbollit botëror FIFA ftoi përfaqësues të federatave të futbollit nga Azia dhe Oqeania për të bërë oferta për organizimin e Botërorit 2034, raporton KosovaPress.

“Kur e kam vizituar Malajzinë dhe Singaporin, të dy shtetet kanë shprehur interesimin për tu bashkuar me Indonezinë dhe Australinë”, tha Thohir.

Pasi njoftoi që Spanja, Maroku dhe Portugalia do të organizojnë Kupën e Botës 2030, me Uruguain, Paraguajin dhe Argjentinën që do të organizojnë lojërat hapëse, FIFA ftoi Azinë dhe Oqeaninë të konkurrojnë për vitin 2034.