Gjykata Themelore në Ferizaj, Departamenti për të Mitur, ka aprovuar propozimin e Prokurorisë Themelore të Ferizajt, për caktimin e masës nga një muaj paraburgim ndaj tre të miturve, për shkak të dyshimit të bazuar se ka kryer veprën penale zjarrvënie.

Gjyqtari i procedurës paraprake ka vlerësuar se ekziston dyshimi i bazuar, se të miturit më 13 mars 2024, rreth orës 03:42, me qëllim të dëmtimit me dashje kanë ndezë zjarrin në objektin e Gjykatës Themelore në Ferizaj – Dega në Kaçanik.

Ata pas planifikimit paraprak, përmes shkallëve emergjente depërtojnë në katin e dytë ku me shishe hedhin benzinë në dy zyre të gjyqtarëve penalistë dhe në korridor, pastaj nga shkallët emergjente ndezin zjarrin, ku dy zyrat e gjyqtarëve dëmtohen tërësisht e po ashtu edhe korridori. Me këtë rast palët njoftohen se ankesa kundër këtij aktvendimi nuk e shtyn ekzekutimin e tij.