Momenti kur Thomas Johnson thith gaz për të qeshur pak para se të shkaktonte përplasjen e tmerrshme 160 km në orë duke mbytur tre shokë, është kapur, raporton Sun.

19-vjeçari është filmuar duke thithur gaz për të qeshur teksa ngiste një BMW. Aksidenti shkaktoi zemërim publik dhe hapi një debat për abuzimin e gazit të qeshur (oksidit të azotit) dhe përgjegjësisë së shoferëve të rinj për sigurinë rrugore.

Familjet e viktimave e përshkruan shoferin si një adoleshent arrogant. “Ai tregoi mungesë respekti për jetën e miqve të tij”, thanë ata.

Tragjedia ndodhi më 20 qershor të vitit të kaluar, kur Johnson kishte patentë shoferin për më pak se një vit. 19-vjeçari u dënua me nëntë vjet e katër muaj burg në Oksford.

“Provat tregojnë qartë se para përplasjes i pandehuri, me ndihmën e një tullumbace, po thithte oksid azoti nga një rezervuar për disa kohë”, tha prokurori Neil Moore.

Aksidenti nxiti thirrje për kontrolle më të rrepta mbi abuzimin e gazit për të qeshur dhe ndërgjegjësim më të madh për pasojat e drejtimit të rrezikshëm.

Policia gjeti një enë me oksid azoti në kabinën e shoferit dhe tetë kontejnerë të tjerë në bagazhin. Hetuesit zbuluan gjithashtu se kontrolli elektronik i stabilitetit të BMW-së ishte fikur qëllimisht.

Johnson më vonë i tha policisë se nuk i kujtohej se çfarë ndodhi dhe pretendoi se nuk kishte përdorur oksid azoti.

"Sjellja e papërgjegjshme e Thomas Johnson ishte evidente. Ngasja e tij e rrezikshme pati pasoja tragjike, duke i dhënë fund jetës së tre të rinjve shumë shpejt," tha prokurori Bill Khindey.