Humbi jetën një punëtor, një tjetër u lëndua, u goditën nga dërrasat në vendet e punës
Lajme
Lexohet për: 2 min.
Dëgjoje me zë...
Humbi jetën një punëtor, një tjetër u lëndua, u goditën nga dërrasat në vendet e punës
Në një punëtori në fshatin Strellc i Ulët të komunës së Deçanit, të mërkurën një punëtor ka humbur jetën në vendin e tij të punës si pasojë e goditjeve nga disa dërrasa. Ndërsa, punëtori tjetër po trajtohet në Spitalin Rajonal të Pejës.
Të dy ishin dërguar në emergjencën e Spitalit dhe pas pak kohe mjeku kujdestar ka konstatuar vdekjen e njërit prej të lënduarve, pasi nuk kishte arritur t’i mbijetojë plagëve.
Policia është njoftuar për rastin rreth orës 14:00 dhe në vendin e ngjarjes kanë dalë njësitet kompetente.
Lajmin për KosovaPress konfirmoi zëdhënësi i policisë së rajonit të Pejës, Fadil Gashi.
“Sot rreth orës 14:05, Policia është njoftuar se në një punëtori (sharrë) në fshatin Strellc i Ulët, dy punëtorë kanë pësuar lëndime nga rënia e disa dërrasave, të cilët kishin pësuar lëndime. Të lënduarit janë dërguar për tretman në Emergjencën e Spitalit Rajonal në Pejë. Pas pak kohe, mjeku kujdestarë ka konstatuar vdekjen e njërit prej të lënduarve. Në vend ngjarje kanë dalë njësitet kompetente”, tha Gashi.
