Një aksident trafiku me pasojë fatalitetin ka ndodhur mbrëmjen e së shtunës në rrugën nacionale Mitrovicë–Prishtinë, në segmentin rrugor që kalon nëpër zonën e Vushtrrisë.

Sipas Policisë, aksidenti ka ndodhur rreth orës 23:00 dhe në të janë përfshirë një motoçikletë dhe një automjet. Si pasojë e lëndimeve të marra, ka humbur jetën drejtuesi i motoçikletës, një mashkull rreth 22-vjeçar.

Në vendin e ngjarjes kanë dalë njësitet policore dhe hetuesit e trafikut, të cilët kanë nisur hetimet për të sqaruar rrethanat dhe shkaqet që çuan në aksidentin tragjik.