Hovenier: Kushtetuesja do ta thotë fjalën e fundit për draft-statutin për Asociacionin
Lexohet për: 2 min.
1 vit më parë
Linku u kopjua
Ambasadori i Shteteve të Bashkuara të Amerikës në Kosovë, Jeffrey Hovenier deklaroi se draft-statuti për Asociacionin përmbush kriteret që i parasheh ShBA-ja. Megjithatë, theksoi që fjalën e fundit për këtë do ta thotë Gjykata Kushtetuese. Ai para mediave të hënën u shpreh se histeria rreth kushtetutshmërisë është e gabuar dhe se këto interpretime po bëhen nga persona të cilët nuk e kanë parë këtë propozim.
Hovenier u shpreh se draft-statuti euroamerikan i prezantuar për Asociacionin është në përputhje të plotë me Kushtetutën e Kosovës.
"Asociacioni duhet të jetë në përputhje me Kushtetutën", tha Hovenier.
Tutje, ambasadori Jeffrey Hovenier shtoi se këto kritere përmbushen në draftin e prezantuar javë më parë. Sipas tij, fjalën e fundit në lidhje me këtë propozim duhet ta jap vetë Gjykata Kushtetuese.
“Ne besojmë se ky draft-statut që i është ofruar Qeverisë së Kosovës i përmbush të gjitha ato kritere, i plotëson ato kritere. Pra, ne besojmë se është shkruar në një mënyrë që të jetë në përputhje me Kushtetutën e Kosovës. Por, në të vërtetë ekziston një subjekt që në fund mund të marrë vendimin nëse është në përputhje me Kushtetutën e Kosovës apo jo, dhe kjo është Gjykata Kushtetuese”, shtoi ai para gazetarëve.
Sa i përket publikimit të këtij propozimi euroamerikan, Hovenier deklaroi se nuk ka asgjë sekrete por ka të bëjë me negociata diplomatike.
Lajmi i plotë në sistemin me parapagim...
Sipas tij, qeveria nuk ka arsye që të mos ecë përpara me këtë draft-statut të Asociacionit.
Për më tepër, ai tha se “është argëtuar me numrin e njerëzve që po interpretojnë një draft-statut që nuk e kanë parë”.
Propozimi i këtij drafti i është bërë kryeministrit Albin Kurti më 21 tetor nga përfaqësuesit e Shteteve të Bashkuara të Amerikës, Bashkimit Evropian, Francës, Gjermanisë dhe Italisë.
