Ikona e Barcelonës, Thierry Henry ka mbetur i habitur nga performanca e Real Madrid në fitoren e thellë ndaj Manchester City në Ligën e Kampionëve.

Skuadra madrilene triumfoi me rezultat 3-0 në ndeshjen e parë të fazës së 1/8 e finales, falë një paraqitjeje spektakolare të mesfushorit uruguaian Federico Valverde, i cili realizoi hat-trick në pjesën e parë dhe vendosi një avantazh të madh për madrilenët para ndeshjes së kthimit. 

Pas ndeshjes, ish figura e rëndësishme e Barcelonës Henry, pranoi se ishte i impresionuar nga niveli i treguar nga rivali i përjetshëm.

“Më dhemb ta them si barcelonist, por duhet t’i përgëzoj. Ishte një paraqitje shumë e mirë” – deklaori Henry.

Sipas tij, madrilenët treguan intensitet, organizim dhe efikasitet të lartë kundër kampionëve anglezë, duke dominuar momentet vendimtare të ndeshjes.

Në këtë përballje të zhvilluar në stadiumin Santiago Bernabeu, Real Madrid arriti të rrëzojë sulmin e rrezikshëm të Cityt dhe të shfrytëzojë rastet në mënyrë perfekte, duke marrë një avantazh të madh para ndeshjes së kthimit në Angli. 

Fitorja 3-0 e vendos skuadrën madrilene shumë pranë çerekfinales së Ligës së Kampionëve, ndërsa Manchester City tani përballet me një mision shumë të vështirë për përmbysje në ndeshjen e dytë.

KosovaPress