Ka përfunduar tashmë afati për angazhimin e lojtarëve të huaj në skuadrat kosovare të hendbollit. Janë dy skuadra të hendbollisteve që i kanë shfrytëzuar momentet e fundit të afatit.

Ndërkohë më herët, KH Kastrioti angazhoi plot katër lojtarë. Bëhet fjalë për brazilianin Guilherme Da Silva Fernandez, Samid Mekiqin nga Mali i Zi dhe Martin Bozhinovskin dhe Adis Saliun nga Maqedonia e Veriut.

Ndërkohë në vazhdim të kampionatit në klubet kosovare do të luajnë katër hendbolliste nga Brazili.

KHF Ferizaj ka paraqitur për regjistrim tri lojtare braziliane. Njëra prej tyre ka debutuar fundjavën e kaluar ndaj Istogut. Bëhet fjalë për Ligia Costa. Dy brazilianet tjera për të cilat ka paraqitur kërkesë për regjistrim Ferizaj janë Ana Luisa Lira Chaves dhe Larissa Inae Da Silva. Pritet që ato të jenë përforcim i madh për skuadrën ferizajase.

Malazezja Angjela Kovaçeviq është lojtarja tjetër për të cilën ka paraqitur kërkesë KHF Istogu.

Istogu po ashtu ka kthyer në përbërje Elma Kamerin, që për shumë vjet ishte prej hendbollisteve më të dalluara në Kosovë.