Pesë persona humbën jetën për shkak të mjeteve piroteknike, dhe dhjetëra u plagosën në natën e Vitit të Ri në Gjermani.

Viktimat janë regjistruar në zona të ndryshme të Gjermanisë, ndërsa më të plagosurit janë në Berlin.

“Numri i të lënduarve është i krahasueshëm me numrin e pacientëve në vitet e mëparshme, por lëndimet janë shumë më të rënda”, tha klinika e traumës në Berlin.

Në mesin e të plagosurve janë disa pacientë të cilët u verbuan nga shpërthimet, si dhe pacientë të cilëve u është dashur t'u prehen gjymtyrët për shkak të lëndimeve.

Policia vlerëson se lëndimet janë më të rënda këtë vit për shkak të mjeteve shpërthyese pa leje, të cilat janë më shumë se zakonisht. Policia tregon fishekzjarrë me fuqi të lartë shpërthyese. Një pajisje e tillë madje shkaktoi dëme në ndërtesa dhe xhama të thyer në lagjen Schoenefeld.

Në lagjen Neukoelln, persona të panjohur u përpoqën të vendosnin barrikada në rrugë dhe policët dhe zjarrfikësit që erdhën për t'i pastruar, u sulmuan, si në vitet e mëparshme në atë lagje, me mjete piroteknike.

Kryebashkiaku i Berlinit, Kai Wegner, shprehu gjithashtu indinjatën e tij për sulmet ndaj përfaqësuesve të shërbimeve publike.

“Është e paimagjinueshme që këtë vit të jemi dëshmitarë të sulmeve ndaj punonjësve të policisë me fishekzjarrë të paligjshëm të fortë sa bomba, gjuajtje me gurë apo mjete piroteknike ndaj punonjësve të emergjencës dhe zjarrfikësve. Autorët duhet të ndjejnë masën e plotë të mjeteve të shtetit ligjor”, tha Wegener.

15 policë u plagosën në Berlin natën e Vitit të Ri. Wegner thekson se "shumica e berlinezëve" festuan në mënyrë paqësore, duke përfshirë festën e organizuar para Portës së Brandenburgut, ku u mblodhën rreth 60 mijë njerëz.