Motori i djathtë i Boeing-ut të linjës ajrore kineze “Hainan Airlines” mori flakë sot pak pas ngritjes nga aeroporti “Fiumicino” i Romës.

Aeroplani 787-9 Dreamliner, me 249 pasagjerë dhe 16 anëtarë të ekuipazhit, ishte nisur drejt qytetit kinez Shenzhen, por dukej se ishte goditur nga një zog, kështu që u kthye mbrapa dhe aterroi sigurt pasi hodhi karburantin mbi det.

Goditjet e shpendëve janë të zakonshme dhe mund të përbëjnë një kërcënim të rëndësishëm për sigurinë e avionëve. Nuk ka pasur vonesa të trafikut ajror në “Fiumicino”, tha aeroporti.