Haxhiu: Po presim nëse vijnë deputetët e opozitës, kam vepruar në përputhje me Kushtetutën
1-First
Lexohet për: 3 min.
Dëgjoje me zë...
Haxhiu: Po presim nëse vijnë deputetët e opozitës, kam vepruar në përputhje me Kushtetutën
Kryetarja e Kuvendit të Kosovës, Albulena Haxhiu edhe në vazhdimin e seancës për zgjedhjen e presidentit ka ftuar deputetët e partive opozitare të reflektojnë dhe t’i lënë anash barrikadimet e të marrin pjesë në këtë seancë.
Haxhiu tha se këto janë minutat e fundit për zgjedhjen e presidentit të Kosovës apo minutat e fundit të legjislaturës së 10-të të Kuvendit të Kosovës.
“Siç po e shihni jemi në minutat e fundit të zgjedhje së presidentit të Kosovës apo thënë më saktë në minutat e fundit të kësaj legjislature të 10-të të Kuvendit të Kosovës. Edhe përkundër thirrjes së vazhdueshme edhe në seancën e filluar dje edhe në seancat e sotme pra thirrjet qwë deputetët e Kuvendit të jenë të pranishëm në seancë të jashtëzakonshme me të vetëm pikë të rendit të ditës zgjedhjen e presidentit ë vendit siç po e shihni opozita, deputetët e PDK, LDK, AAK Listës Serbe Duda Balje Adem Hoxha nuk janë të pranishëm as në këtë seancë. Pra, as në përpjekjen e fundit për ta zgjedhur presidentin e vendit sipas obligimeve kushtetuese. Po presim nëse deputetët i përgjigjen pozitivisht thirrjes sime dhe i lënë anash barrikidmet dhe i kthehen konstrukivitetit dhe interesit qytetar”, tha ajo.
Kryekuvendarja, Albulena Haxhiu tha se si kryetare e Kuvendit ka vepruar në përputhje me Kushtetutën dhe përgjegjësitë e saj.
Ndërsa, për akuzat se ajo po bënë puçe dhe po cenon rendin kushtetues deklaroi se duhet të kërkohet falje.
“Fatkeqësisht mungon vullneti i deputetët të Kuvendit si kryetare e Kuvendit kam vepruar në përputhje me Kushtetutën dhe përgjegjësitë e mija ato që më takojnë pra të bazuara në Kushtetutën dhe rregulloren e Kuvendit duke ndërprerë seancën me qëllimin e vetëm të vazhdojmë sot disa herë në funksion të përmbylljes pozitive të këtij procesi duke e zgjedhur presidentin e vendit, por edhe përkundër kësaj jam ballafaquar me akuza se po cenoj rendin kushtetues dhe po bëjë puçin institucional e gjithçka që iu ka rëndë në mend siç duket krejt kjo ka qenë qëllimi që të krijohet konfuzion, tension të dëmtohet imazhi apo legjitimiteti i institucioneve të Kosovës. Të paktën ata që kanë akuzuar për puç e çka nuk iu ka rënë ndër mend do të duhej të kërkonin falje publike”, tha ajo./B.Ibishi/
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
