Përfshirja e vajzave dhe grave në teknologji nuk lidhet vetëm me barazinë, por edhe me zhvillimin e ekonomisë, me ecjen përpara të shoqërisë dhe me të ardhmen e vendit tonë. Kështu deklaroi të mërkurën ushtruesja e detyrës së presidentes, njëherësh kryeparlamentarja Albulena Haxhiu në konferencën “Future Makers: Girls in ICT”, një ngjarje që solli në fokus rolin e vajzave dhe grave në teknologji dhe transformimin digjital të shoqërisë, raporton KosovaPress.

Në këtë konferencë u diskutua gjerësisht për zhvillimet e shpejta teknologjike, përfshirë inteligjencën artificiale dhe ndikimin e saj në ekonomi, arsim dhe jetën e përditshme, duke ngritur edhe pyetjen thelbësore se kush po e formëson të ardhmen digjitale.

Haxhiu gjithashtu përmendi disa shembuj frymëzues të grave shqiptare që kanë arritur sukses në kompanitë më të mëdha globale të teknologjisë, si Mira Murati, si dhe profesioniste të tjera nga Kosova që po ndërtojnë karrierë ndërkombëtare.

Konferenca “Future Makers: Girls in ICT” u vlerësua si një hap i rëndësishëm drejt promovimit të barazisë gjinore në teknologji dhe fuqizimit të vajzave për të qenë pjesë aktive dhe udhëheqëse në të ardhmen digjitale.

Lajmi i plotë në sistemin me parapagim...