Manchester United ka njoftuar zyrtarisht se Harry Maguire ka nënshkruar një kontratë të re që e mbanë mbrojtësin anglez te klubi deri në qershor 2027, me një opsion për një vit shtesë.

Magurie, 33 vjeç, ka qenë pjesë e United që nga viti 2019, ku u transferua për një shifër rekorde për një qendërmbrojtës. Gjatë tetë sezonev të tij te Djajtë e Kuq, ai ka regjistruar 226 paraqitje dhe ka ndihmuar skuadrën të fitojë trofe si Kupën e FA dhe Kupën e Ligës.

Në një deklaratë të publikuar nga klubi, Maguire tregoi se është i gëzuar që vazhdon udhëtimin e tij me këtë klub të jashtëzakonshëm dhe shprehu besimin e tij për objektivat e ardhshme të ekipit.

“Jam i kënaqur që e zgjas udhëtimin tim në këtë klub të jashtëzakonshëm në të paktën tetë sezone dhe vazhdoj të luaj para mbështetësve tanë të veçantë për të krijuar momente më të mrekullueshme së bashku” – ka thënë Maguire.

Drejtori i futbollit te Manchester United, Jason Wilcox, foli për rëndësinë e tij në skuadër, duke nënvizuar profesionalizmin, përvojën dhe rolin e udhëheqjes që Maguire sjell për një grup të ri lojtarësh.

“Harry përfaqëson mentalitetin dhe qëndrueshmërinë e nevojshme për të performuar për Manchester United. Ai është profesionisti i përsosur që sjell përvojë dhe lidership të paçmuar në skuadrën tonë të re dhe ambicioze” – tha Wilcox.

Ndeshjen e ardhshme Manchester United e luan kundër Leeds, më 13 prill, nga ora 21:00.

KosovaPress