Ish-ministrja e Jashtme, Meliza Haradinaj, ka thënë se Serbia ka rritur në mënyrë të shpejtë aktet shkatërruese për te zgjeruar ndikimin rus ndaj Kosovës.

Haradinaj këto komente i bëri në një panel diskutimi online të organizuar nga universiteti prestigjioz britanik i Shkencave Sociale (LSE), ku tha se krejt kjo me qëllim të krijimit të një konflikti të ri në Evropë.

Gjatë këtij diskutimi ajo ka paraqitur edhe një grafik ku shpjegohet qartë pretendimi i Serbisë për luftë, duke renditur në mënyrë kronologjike disa nga aktet serbe, e të cilin e ka përmbyllur me agresionin e 24 shtatorit në Banjskë dhe takimin e presidentit serb Aleksandar Vuçiq me ambasadorin rus, vetëm një ditë më pas.

The graph perfectly depicts how the war in #Ukraine rapidly accelerated #Serbia’s destructive acts to expand the #Russian influence towards #Kosovo - aiming for a new conflict in #Europe.

As we speak, #Serbia paradoxically continues to be an unsanctioned participating member in… pic.twitter.com/KmrrWcmvX5

— Meliza Haradinaj (@MelizaHaradinaj) October 25, 2023

Ish-ministrja ka potencuar po ashtu edhe qasjen e butë të ndërkombëtarëve karshi Serbisë.

“Ndërsa flasim, Serbia në mënyrë paradoksale vazhdon të jetë një anëtare pjesëmarrëse e pa sanksionuar në programin e Partneritetit për Paqe të NATO-s dhe gëzon statusin e kandidatit në BE, ndërsa aspiratat e integrimit euroatlantik të Kosovës janë të përjashtuara nga vështrimi ndërkombëtar”, ka shkruar ajo sipër grafitit, të cilin e ka shpërndarë në X.

Osmani kërkon dorëzimin e terroristëve nga Serbia dhe masa kundër lidershipit atje - KosovaPress