Haradinaj: AAK angazhohet për familje me mirëqenie ekonomike
Lexohet për: 2 min.
10 muaj më parë
Linku u kopjua
Kryetari i Aleancës për Ardhmërinë e Kosovës, Ramush Haradinaj deklaroi se kundërshtojnë çdo tendencë për zhvlerësimin e familjes. Ai u zotua se angazhohen për familje me status të qëndrueshëm material e me të ardhura që e sigurojnë familjen. Kështu u shpreh ai në tryezën e grupit parlamentar me temën “Familja- roli, sfidat dhe mbrojtja”, ku u tha se familja duhet të jetë në qendër të mendimit politik në Kosovë.
Kreu i AAK-së, Ramush Haradinaj theksoi se mbrojtja e familjes e forcon shtetin dhe mbron lirinë, e cila është arritur me sakrificë.
E kryetari i Rahovecit, Smajl Latifi theksoi se familja shqiptare tradicionalisht ka qenë institucion i rëndësishëm.
Ai përmendi edhe iniciativën për ndarjen e 500 eurove për secilën lindje në këtë komunë.
Në tryezën e organizuar nga AAK, kryetari i Demokracisë Konservatore, Avdullah Klinaku tha se emigracioni i theksuar e sistemi shëndetësor janë disa prej rreziqeve me të cilat po përballen familjet.
Shefi i grupit parlamentar të AAK-së, Besnik Tahiri tha se kjo temë duhet të diskutohet në mënyrë profesionale nga legjislacioni.
