Kryetari i Partisë Demokratike të Kosovës (PDK), Bedri Hamza tha se Qeveria Kurti III nuk është duke u përkujdesur për standardin e jetesës por për blerjen e votës përmes parasë publike.

Kështu u deklarua ai gjatë debatit parlamentar për rritjen e çmimit të naftës, ku paraprakisht u propozua një rezolutë nga Lidhja Demokratike e Kosovës, për ndërmarrjen e masave nga qeveria.

Hamza tha se e përkrahin çdo masë që ndikon në përmirësim të jetesës.

“Kjo qeveri nuk është duke u përkujdesur për zhvillimin ekonomik, për standardin e jetesës por është duke bërë veprime veç qysh me i konvertu në votë, blerjen e votës përmes parasë publike. Sigurisht se shpejt do të kemi një debat që ne do të kërkojmë shpenzimin e parasë publike posaqësisht tre mujorin e fundit të kaluar. Se gjërat duhet të bëhen, kategoritë duhet të përkrahen, por duhet të bëhen me ligj”, ka deklaruar Hamza.

Në seancë të jashtëzakonshme, Hamza shtoi se përkrahin rezolutën e propozuar nga LDK për heqjen e akcizës përkohësisht deri në stabilizim të çmimeve.

Për më tepër, kreu i PDK-së u shpreh se edhe raporti i fundit i Fondit Monetar Ndërkombëtar konstaton rritjen ekonomike më të ulëtën gjatë viteve të fundit.

Lajmi i plotë në sistemin me parapagim...

/Kosovapress/