Kryetari i Komunës së Obiliqit, Halil Thaçi, ka falënderuar asamblistët e Kuvendit Komunal për miratimin e Kodit të Etikës për zyrtarët publikë, transmeton KosovaPress.

Përmes një reagimi publik në Facebook, ai e cilësoi këtë dokument si më shumë sesa një akt formal, duke theksuar se përfaqëson një “vijë të kuqe” për funksionimin e institucioneve lokale.

Thaçi u bëri thirrje të drejtpërdrejtë sektorëve të administratës, shëndetësisë dhe arsimit që të zbatojnë në përpikëri këtë kod, duke theksuar se kjo është një detyrim institucional.

Ai shtoi se qytetarët meritojnë shërbime të drejta dhe dinjitoze nga institucionet publike.