Trajneri i Manchester City-t, Pep Guardiola, ka bërë të ditur se mesfushori Rodri do të mungojë në udhëtimin e rëndësishëm të së mërkurës ndaj Burnley-t, pas lëndimit të pësuar në fitoren 2-1 kundër Arsenalit.

"Mendoj se për nesër ai nuk do të jetë gati. Do të shohim për ndeshjet e ardhshme," deklaroi Pep në konferencën për shtyp, duke konfirmuar gjithashtu se edhe mbrojtësi Ruben Dias mbetet ende jashtë fushave.

Guardiola theksoi rëndësinë e përqendrimit maksimal për këtë sfidë: "Ne shkojmë te Burnley dhe duhet të performojmë në nivelin që duhet".