Gruaja e vrarë në Pejë ka punuar për dy dekada asistente e stomatologut
Tjera
Lexohet për: 2 min.
Gruaja e vrarë mëngjesin e sotëm për dy dekada ka punuar si asistente e stomatologut në Poliklinikën Stomatologjike në Pejë. Kështu thuhet në njoftimin e Drejtorisë së Shëndetësisë dhe Mirëqenies Sociale, ku theksohet se janë tronditur nga vrasja makabre e Gjyljetë Ukellës.
Rasti tragjik ka ndodhur mëngjesin e sotëm, ky dyshohet se ajo është vrarë nga bashkëshorti i saj.
“Të tronditur thellë nga vrasja makabre e koleges tonë, punëtores shëndetësore të stomatologjisë të ndjerës Gjyljeta Ukella. E ndjera Gjyljetë për dy dekada shërbeu si asistente e stomatologut në Poliklinikën Stomatologjike në Pejë. Do të mbetet në kujtimet e secilit koleg për punën dhe urtësinë që e ka karakterizuar personalitetin e Gjyljetes. U prehshë në parajsë !”, thuhet në njoftimin e Drejtorisë së Shëndetësisë dhe Mirëqenies Sociale.
Vrasjen e gruas e ka konfirmuar për KosovaPress, Driton Rugova nga policia rajonale e Pejës, ku ka thënë se “sot rreth orës 08:15 janë informuar se në rrugën “Bill Clinton”, ka ndodhur një rast dhe se policia me ekipin mjekësor kanë dal në vendin e ngjarjes”. /Sh.Pajaziti/
