Emisari special i SHBA-së për Misione të Posaçme, Richard Grenell ka folur për herë të parë për Kosovën pas inaugurimit të Donald Trump si president i ri në Shtëpinë e Bardhë.

Ai një postim në X ka folur mbi një koment të kryeparlamentarit Glauk Konjufca për mediat për tashmë ish-administratën Joe Biden dhe Barack Obama.

“Administrata e presidentit Biden, ma merr mendja, që kjo rrjedh prej administratës së presidentit Obama, këto në relacion me Kosovën, këta dy presidentë të shumë respektuar të Amerikës, prej vitit 2011, e kanë pasur një qasje ndaj Kosovës, e cila me thënë të drejtën, Kosovën e ka vendosur në situatë të disfavorshme ndaj Serbisë, këtë jemi dëshmitarë të gjithë. Pikërisht, administrata e presidentit Obama dhe Biden, dhe neve gjatë kësaj kohe, na kanë ndodhur disa çështje që i ka shty Serbia, që shumë e kanë dëmtuar reputacionin e Kosovës”, ka thënë Konjufca për RTK.