Grupi për Studime Juridike dhe Politike (GLPS) dhe Fondi për Zhvillim Komunitar, kanë prezantuar rastet e dhunës me familje te cilat janë në rritje, ku bëhet e ditur se brenda një viti në nivel vendi janë raportuar 2 mijë e 735 raste të dhunës në familje ose nga 8 raste çdo ditë në vend.

Sipas GLPS-së shumica e rasteve të dhunës ndodhin në raportin bashkëshort- bashkëshorte, dhe anasjelltas.

Nga hulumtimet e tyre thuhet se për rastet e dhunës në familje prin Prishtina me 910 raste, Peja me 338 dhe Prizreni me 333 raste.

Raporti i GLPS-së tregon se Policia e Kosovës edhe këtë vit mbetet institucioni i parë dhe i besueshëm për raportimin e rasteve të dhunës në familje.

Drejtoresha ekzekutive e GLPS-së, Arbëresha Loxha-Stublla, tha se gjykata dhe prokuroria po i trajtojnë rastet me prioritet, teksa cilëson se dënimet ndëshkimore janë të ulëta.

Ajo shtoi se gjatë monitorimit të rasteve të dhunës kanë gjetur se ekziston mungesë e ligjit për mbikëqyrjen e personave të cilëve u ndalohet lëvizja me vendim gjyqësor.

Ministrja e Drejtësisë, Albulena Haxhiu tha se si ministri trajtimin e rasteve të dhunës në familje i kanë në prioritet, dhe shtoi se ish-Qeveritë tjera nuk janë marrë  me këtë fenomen shkatërrues për shoqërinë.

Ministrja Haxhiu tha se nuk janë rritur rastet e dhunës, por janë rritur raportimet, gjë të cilën ajo e cilëson si vetëdijesim të qytetarëve.

Ndërsa, Liridon Salihi nga GSJP, Liridon Salihi , tha se dënimi maksimal për kryerjen e veprës penale të dhunës në familje është prej një viti e katër muaj, që sipas tij dënimet janë të pamjaftueshme.

Gjyqtari i Gjykatës Themelore në Prishtinë, Sabit Salihaj, ka konsideruar se Gjykata jep dënime meritore për rastet e dhunës në familje.

Lajmi i plotë në sistemin me parapagim.