Policia e Kosovës ka gjobitur me nga 300 euro dy persona në Ferizaj të cilët kanë tejkaluar kufizimin e shpejtësisë derisa kanë lëvizur me veturë. Ndaj tyre janë marrë edhe masa duke u marrë patentë shoferin njërit për gjashtë, e tjetrit për tre muaj.
Policia Rajonale e Komunikacionit Rrugor në Ferizaj, rreth orës 05:30 në rrugën magjistrale Ferizaj–Prishtinë, në fshatin Prelez i Muhaxherëve, ka ndaluar shoferin P.S i moshës 29 vjeçare i cili me veturë ka bërë tejkalimin e shpejtësisë, ku në zonën e kufizimit 50 kilometra në orë ka zhvilluar shpejtësi 167 km/h.
Ndërsa rasti tjetër ka ndodhur rreth orës 08:52 në rrugën ‘’Driton Islam’’ në Ferizaj, ku policët kanë ndaluar shoferin tjetër A.SH moshës 22 vjeçare i cili me veturë ka bërë tejkalimin e shpejtësisë , ku në zonën e kufizimit 50 kilometra në orë ka zhvilluar shpejtësi 97 km/h .
“Ndaj tij policia i shqiptoi një gjobë kundërvajtëse 300 euro, 3 pikë negative dhe gjashtë ( 6 ) muaj masë mbrojtëse, heqje e patent shoferit”, ka njoftuar PK.
