Përmes aplikacionit mobil, klientët mund të blejnë polica, të raportojnë dëme dhe të ndjekin statusin e tyre në kohë reale.

SIGAL Insurance Group KS ka lansuar aplikacionin e ri mobil, duke sjellë një tjetër hap drejt lehtësimit të shërbimeve për klientët e tij.

Me sloganin “Gjithçka nga telefoni yt”, aplikacioni synon t’u ofrojë përdoruesve qasje më të shpejtë, më të thjeshtë dhe më praktike në shërbimet e sigurimit, direkt nga telefoni.

Përmes këtij aplikacioni, klientët mund të menaxhojnë dhe të blejnë policat e sigurimit, të paraqesin kërkesa për dëm dhe të ndjekin statusin e tyre në kohë reale, pa pasur nevojë për procedura të gjata apo vizita fizike.

Aplikacioni është ndërtuar me fokus në kursimin e kohës dhe thjeshtësimin e proceseve, duke u mundësuar përdoruesve që të kryejnë shërbimet kryesore të sigurimit në vetëm pak hapa.

Një ndër funksionet kryesore është raportimi i dëmeve online, që u lejon klientëve të raportojnë dëmet e shëndetit apo të automjetit shpejt dhe lehtë.

Të gjitha shërbimet kryesore janë të integruara në një platformë të vetme, duke e bërë më të thjeshtë menaxhimin e sigurimeve në çdo kohë dhe nga çdo vend.

Me këtë lansim, SIGAL Insurance Group KS synon të jetë edhe më afër klientëve, duke ofruar zgjidhje moderne dhe praktike që i përshtaten nevojave të përditshme.

Për më shumë informata rreth aplikacionit dhe për ta shkarkuar, ju lutem klikoni këtu:

https://sigal-ks.com/aplikacioni/