Mbrojtësi i Atalantas, Berat Gjimshiti, beson se Atalanta pati një moment fatkeq kundër Liverpool-it në ndeshjen e dytë çerekfinale të Ligës së Evropës të enjten mbrëma, por ndjehet sikur skuadra e tij u përgjigj menjëherë dhe filloi të luante lojën e saj më pas.

“La Dea” kaloi në gjysmëfinalet e Ligës së Evropës, pavarësisht se rrëshqiti në një humbje 1-0 kundër skuadrës së Jurgen Klopp në stadiumin “Geëiss”. Fitorja e tyre 3-0 në “Anfield” javën e kaluar siguron një rezultat të përgjithshëm 3-1 për skuadrën e Gasperinit.

Duke vlerësuar shfaqjen e së enjtes mbrëma me “Sky Sport Italia”, Gjimshiti, i cili bëri një paraqitje mbresëlënëse në mbrojtje, tha: “Është një moment krenarie e madhe për ne, ishte e mrekullueshme të pashë Bergamon kaq të përforcuar dhe së bashku me ekipin”.

Duke iu përgjigjur pyetjeve në lidhje me incidentin e penalltisë, Gjimshiti shtoi: “Ishte padyshim një moment fatkeq, penalltia, por ne u përgjigjëm menjëherë dhe u përpoqëm të luanim lojën tonë dhe mendoj se ia dolëm”.