Formën jo të mirë të Ballkanit në ndeshjet e fundit në Superligë synon ta shfrytëzoj skuadra e Gjilanit në ndeshjen e së dielës ndërmjet këtyre dy skuadrave e cila shënon edhe përfundimit e sesionit vjeshtor të Superligës së Kosovës.
Kampioni në fuqi ka dy humbje dhe një barazim në tri ndeshjet e fundit, seri kjo që ka motivuar trajnerin e Gjilanit, Gentjan Mazani. Ai ka thënë për KosovaPress se skuadra e tij do të kërkojë të marrë pikët maksimale ndaj skuadrës së Ilir Dajës.
Edhe portieri i Gjilanit, Betim Halimi u shpreh i bindur se ndaj Ballkani mund ta marrin rezultat pozitiv pasi sipas tij, skuadra nga Suhareka në këto momente është “shumë e lodhur”.
Besim të madh te skuadra për fitore ndaj Ballkanit ka shprehur edhe drejtori menaxhues i klubit, Drilon Sylejmani.
Vetëm 17 pikë të fituara nga 17 ndeshje deri më tani kanë bërë që Gjilani jetë i renditur në zonën e rënies nga elita e futbollit kosovar, por trajneri Mezani është i bindur se një gjë e tillë nuk do të ndodhë.
Ballafaqimi ndërmjet Gjilanit dhe Ballkani do të zhvillohet të dielën me fillim nga ora 12:00.
