Gjermania ka arritur një marrëveshje migracioni të kontrolluar me Keninë për punëtorët kenianë të kualifikuar dhe gjysmë të kualifikuar.

Marrëveshja u nënshkrua nga kancelari gjerman Olaf Scholz dhe presidenti i Kenias William Ruto të premten.

Ndërsa numri i saktë i punëtorëve që do të mbërrijnë në Gjermani nuk është bërë i ditur, një zëdhënës i zyrës presidenciale të Keniasë tha më parë se po kërkonte mundësi punësimi për deri në 250 mijë kenianë.

Sipas qeverisë gjermane, aktualisht janë rreth 14.800 qytetarë kenianë që jetojnë në Gjermani. Rreth 800 prej tyre kërkohet të largohen nga vendi.

Marrëveshja vjen pasi Qeveria gjermane nisi një goditje ndaj imigracionit të paligjshëm, duke njoftuar së fundmi një shtrëngim të kontrolleve kufitare.

Në fund të muajit të kaluar, Berlini zbuloi masa të reja sigurie që synojnë përshpejtimin e deportimit të azilkërkuesve të refuzuar dhe emigrantëve pa dokumente, i cili do të fillojë javën e ardhshme. /CNN