Pak para mesnatës një person është gjetur pa shenje jete në Prishtinë.

Lajmin e ka bërë të ditur për KosovaPress, zëdhënësi i Policisë së Kosovës për rajonin e Prishtinës, Enis Pllana i cili konfirmoi se viktima ishte gjetur në rrugën Radovan Zogoviç, raporton KosovaPress.

“Mbrëmë rreth orës 23:30 kemi pranuar informatën se një person pa shenja jete gjendet në rrugën Radovan Zogoviç në Prishtinë. Vdekjen e viktimës (mashkull) e ka konstatuar ekipi mjekësor në vend ngjarje. Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit”, tha Pllana.