Një 54-vjeçar, identiteti i të cilit ende nuk dihet, është gjetur sot i vdekur në rrethana ende të pasqaruara në lagjen “Dardania” në Prishtinë.

Zëdhënësja e policisë për rajonin e Prishtinës, Flora Ahmeti, tha për KosovaPress se trupi i pajetë i viktimës është dërguar në Institutin e Mjekësisë Ligjore për obduksion.

“Sot në stacionin Jugu në Prishtinë është iniciuar një rast hetim mbi vdekjen, ku viktimë është një person mashkull, 54-vjeçar. Vdekjen e tij e ka konstatuar ekipi mjekësor në vendngjarje. Aktualisht policia në koordinim me prokurorinë, po ndërmarrin të gjitha veprimet e duhura hetimore dhe ato forenzike - të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit, ndërkohë që trupi i pajetë i viktimës është dërguar për obduksion,” tha Ahmeti.