Ministri në detyrë i Sportit dhe Rinisë Blerim Gashani ka pritur sot në një takim zyrtar krerët e Federatës së Kick Boksit të Kosovës, së bashku me sportistët që përfaqësuan vendin në Kampionatin Botëror të mbajtur në Turqi.

Gjatë këtë takimi u diskutua për planet dhe programin e mëtutjeshëm të federatës, si dhe për organizimin e garave që ndihmojnë në fuqizimin e këtij sporti në vend. Fokus i veçantë iu kushtua suksesit të madh të shënuar në "Turkish WAKO World Cup", ku Kosova rrëmbeu tri medalje të mëdha.

Në fund të takimit, kreu i ministrisë rikonfirmoi zotimin për vazhdimin e mbështetjes institucionale ndaj federatave, me qëllim krijimin e kushteve sa më moderne për zhvillimin dhe avancimin e sportit kosovar.