Sonte me fillim nga ora 18:45 stadiumi “Rams Park” i Stambollit do të jetë nikoqir i përballjes tejet interesante mes Galatasarayt dhe Manchester United.

Ndeshja e sotme i takon xhiros së pestë të fazës së grupeve të Ligës së Kampionëve, raporton KosovaPress.

Në xhiron e fundit të zhvilluar, United u mposht 4:3 nga Copenhagen, kurse Galatasaray pësoi humbje 2:1 nga Bayern Munichu.

Ndryshe, ky duel po shihet edhe si përballje direkte për pozitën e dytë në Grupin A, që siguron kualifikimin tutje në këtë garë.

Momentalisht, Galatasaray zë vendin e tretë në Grupin A në kuotën e katër pikëve, krahas United që zë vendin e fundit me vetëm tri pikë.

Sa i përket ndeshjes së sotme, të dy skuadrat do të kenë probleme me mungesa të lojtarëve, ku për vendasit nuk do të paraqitet Sanchez, kurse te United mungojnë Casemiro, Diallo, Eriksen, Evans, Malacia, Martinez, Mount, Rashford dhe Sancho.

Formacionet zyrtare i gjeni më poshtë.

Galatasaray (4-2-3-1): Muslera; Angelino, Ayhan, Bardakci, Boey; Ndombele, Torreira; Zaha, Mertens, Ziyech; Icardi

Manchester United (4-2-3-1): Onana; Wan-Bissaka, Maguire, Lindelof, Shaw; McTominay, Amrabay; Antony, Fernandes, Garnacho; Hojlund