Ministri i Mbrojtjes Ejup Maqedonci dhe komandanti i Forcës së Sigurisë së Kosovës, gjenerallejtënant Bashkim Jashari vizituan sot ushtrimin e përbashkët të FSK-së dhe ushtrisë amerikane.

Ata përcollën nga afër realizimin e ushtrimit fushor mjekësor, që është duke u realizuar së bashku me personelin mjekësor të Gardës Kombëtare të Ajova-s dhe ushtarakëve të Regjimentit të Mjekësisë së FSK-së, në kuadër të bashkëpunimit dhe partneritetit në mes dy forcave.

Regjimenti i Mjekësisë së Komandës së Logjistikës gjatë realizimit të ushtrimit që fokus ka punën praktike, testimin në fusha të ndryshme si C3/C4, 9 Linjëshi, Triazhimi, evakuimi mjekësor, trajtimi i rasteve emergjente, evakuimi ajror që në thelb kanë përgatitjen trajnimin dhe ekzekutimin e raste reale në fushëbetejë.

Ministri Maqedonci dhe gjenerallejtënant Jashari vlerësuan lart bashkëpunimin dhe ndihmën e Gardës Kombëtare të Ajova-s, në ngritjen e kapaciteteve mjekësore në Forcën e Sigurisë së Kosovës, por edhe në fusha tjera.