Franca nis evakuimin e qytetarëve dhe personelit diplomatik nga Sudani
"Franca ka filluar një “operacion të shpejtë evakuimi” të qytetarëve dhe personelit diplomatik nga Sudani", njoftoi të dielën ministria e jashtme e vendit përmes një deklarate.
Sipas ministrisë, kjo do të përfshijë qytetarët e vendeve "partnere evropiane dhe aleate”.
Ky reagim erdhi mes evakuimeve të personelit të qeverisë amerikane dhe diplomatëve irakianë nga ambasadat në kryeqytetin Khartoum, si dhe evakuimet e para të civilëve nga vende si Katari, Egjipti, Kanadaja, India, Burkina Faso dhe Emiratet e Bashkuara Arabe nga zyrtarët sauditë, shkruan CNN, përcjell KosovaPress
Luftimet midis dy fraksioneve ushtarake rivale në vend – Forcat e Armatosura Sudaneze dhe Forcat e Mbështetjes së Shpejtë (RSF) – vazhdojnë pavarësisht një armëpushimi 72-orësh të shpallur për festën e Bajramit.
Edhe ushtria amerikane ka evakuuar diplomatët amerikanë dhe familjet e tyre nga Khartoumi, në Sudan.
