Ndeshjet kthyese të gjysmëfinaleve në futboll do të zhvillohen sot më 22 prill, ku katër skuadra do të luftojnë për dy vendet në finalen e madhe të Kupës së Kosovës.

Skuadra e Dukagjinit përballet me Ballkanin, skuadra nga Klina hyn në këtë takim me një avantazh të madh nga ndeshja e parë, pasi ka fituar bindshëm 3-0. Megjithatë, Ballkani nuk dorëzohet dhe synon një rikthim të madh për të shpëtuar sezonin me një trofe.

Ndërkohë, në gjysmëfinalen tjetër, Ferizaji pret Llapin në një duel që mbetet plotësisht i hapur. Ndeshja e parë përfundoi 2-1 në favor të Llapit, duke lënë gjithçka të vendoset në takimin e sotëm.

Të dyja ndeshjet pritet të nisin nga ora 15:00, ndërsa emocionet janë në kulm pasi çdo gabim mund të jetë vendimtar për fatin e skuadrave.

Formacionet zyrtare:

Dukagjini: Dimal Isufi, Elton Basri, Albion Pllana, Besir Iseni, Erlis Xhemajli, Dardan Morina, Altin Mërlaku, Hekuran Berisha, Tun Bardhoku, Kushtrim Gashi, Meris Maliqi.

Ballkani: Golubovic, Halili, Batarelo, Vokrri, Souza, Giovanni, Diene, Deliu, Kryeziu, Tolaj, Alidema.

Ferizaj: Jovanovski, Neziri, Gligorov, Turkaj, Ramusa, Fejzaj, Sadriu, Sadiki, Richards, Oguns, Avduli.

Llapi: Coric, Aliu, Idrizi, Emini, Sadriu, Rama, Blakçori, Peci, Musolli, Hasani, H. Hyseni.

KosovaPress