Sonte me fillim nga ora 21:00 do të zhvillohet superderbi anglez ndërmjet Manchester Cityt dhe Liverpoolit, sfidë e vlefshme për 1/8-tën e finales së Carabao Cup.

Të dy skuadrat kanë për synim të shkojnë sa më larg në këtë garë, andaj sfida në “Etihad Stadium” pritet të jetë jashtëzakonisht interesante, raporton KosovaPress.

“Të Kuqtë” hyjnë në këtë ndeshje pa Arthur Melon, Luiz Diazin, Diogo Jotan dhe Curtis Jones për shkak të lëndimeve, kurse në radhët e “Citizenz” mungojnë Benjamin Mendy për shkak të suspendimit, dhe Julian Alvarez.

Tanimë Pep Guardiola dhe Jurgen Klopp kanë vendosur se me cilët lojtarë do ta fillojnë ndeshjen e sotme, dhe formacionet zyrtare i gjeni më poshtë.

Manchester City (4-3-3): Ortega; Lewis, Akanji, Laporte, Ake; Rodrigo, De Bruyne, Gundogan; Mahrez, Haaland, Palmer

Liverpool (4-4-2): Kelleher; Milner, Gomez, Matip, Robertson; Bajcetic, Thiago, Elliott, Carvalho; Salah, Nunez