Zyrtarizimi i Wesley Fofanas te Chelsea është vetëm çështje kohe, ku mbrojtësi francez do t’i bashkohet “Bluve” të Londrës nga skuadra e Leicester Cityt.

Chelsea dhe Leicester kanë marrëveshje të plotë që Fofana të kalojë në “Stamford Bridge” këtë verë, ndërsa tarifa e transferimit kap shifrën e 88 milionë eurove, përcjell KosovaPress.

Siç raportohet nga Fabrizio Romano, krerët e Leicester kanë filluar bisedimet me skuadrën e Reims për të nënshkruar me Wout Faes, pasi që ky i fundit shihet si zëvendësimi ideal i Fofanas.

Bisedimet janë duke vazhduar mes Reims e Leicester, ku bëhet e ditur se edhe skuadra e Torinos ishte e interesuar për të, por që oferta e klubit italian ishte refuzuar nga Reims.