Në një intervistë për Gary Neville në Sky Sports, Bruno Fernandes ka rikonfirmuar dashurinë e tij për klubin duke zbuluar se “mund të isha larguar nga Manchester United para dy apo tre vitesh, ashtu siç mund të ikja edhe sezonin e kaluar sepse ishte serioze”, por ai zgjodhi të qëndronte pasi beson se “të jesh i suksesshëm në këtë klub është diçka që nuk do ta merrja KURRË në asnjë klub tjetër pasi Manchester United është i veçantë”.

Kapiteni shtoi se “gëzimin dhe gjithçka që do të marr ditën kur të arrij atë që dua me këtë klub nuk do ta gjeja në asnjë klub tjetër në BOTË, sepse e di sa shumë e duan këtë tifozët, sa pasionantë janë dhe sa shumë po e presin atë moment të rikthimit”.

KosovaPress